Book Description
విజయాక్షరాలు ‘విజయం అంటే ఏమిటి?’ అంటూ నిర్వచనంతో ప్రారంభించి.. ఓటమి నుంచి విజయానికి ఎలా ప్రయాణించాలో కూడా వివరించారు. వ్యక్తిత్వ వికాస సాహిత్యానికి ఉండాల్సిన లక్షణాలన్నీ ఈ పుస్తకానికున్నాయి. శైలి సరళంగా సూటిగా సాగింది. చదవడం పూర్తయ్యాక... విటమిన్‍ టాబ్లెట్‍ వేసుకున్నంత అనుభూతి కలుగుతుంది. విజయం కోసం మంచి పుస్తకం విజయం అందరికీ సాధ్యమేనంటూ విడియాల చక్రవర్తి రచించిన ఈ పుస్తకంలో వ్యక్తిత్వం వికసించిననాడే మనిషి మహా‘మనిషి’గా ఎదగ గల్గుతాడని పేర్కొంటూ-అనేక శీర్షికలతో, ప్రముఖుల సూక్తులతో, సందర్భాన్ని బట్టి కార్టూన్లతో ప్రచురించడంతో పుస్తకానికి పరిపూర్ణత చేకూరింది. విజయ సాధనకు మార్గదర్శి రచయితగా, వక్తగా ప్రత్యేకించి వ్యక్తిత్వ వికాస శిక్షకుడిగా విశేష అనుభవం ఉన్న విడియాల చక్రవర్తి రాసిన ఈ పుస్తకంలో ఐదు విభాగాలుగా ఉన్న మొత్తం 50 అంశాలను రచయిత వివరించారు. ఈ 50 మెట్లు విజయవంతంగా అధిరోహించగలిగితే మీరు విజయపతాకాన్ని ఎగురవేసినట్టే. అసాధ్యాన్ని సుసాధ్యం చేసే పుస్తకం నిత్యం శ్రమిస్తూ, అవరోధాలెన్ని ఎదురైనా ఛేదించుకుంటూ విజయపథంలో నడవాలని, అందుకు కావలసిన సలహాలు, వ్యూహాత్మక మార్గాలు ఈ ‘విజయం అందరికీ సాధ్యమే’ అనే పుస్తకంలో చక్కగా పొందుపరచబడ్డాయి.
